هل بتفكر كل يوم إنك تستقيل من شغلك وتبدأ مشروع خاص في مجال إنت بتحبه؟
ليه مش سهل عليك تاخد الخطوة دي؟
السبب إنك بتفكر زي معظم الناس إنك تسيب الشغل وبعدين تشوف هتعمل إيه وتبدأ مشروعك الخاص إزاي
الطريقة دي الحقيقة من أخطر ما يكون … وعلشان كدة بتبقى خايف جدا ومتردد تعملها خصوصا إن عندك بيت وأولاد ومسؤوليات تخاف تخاطر وتضيعهم معاك
في ناس تانية بيحاولوا يقللوا من حجم المخاطرة بإنه يبدأ يحوش فلوس تكفي مصاريفه فترة زمنية معينة وليكن سنة وبعدها يسيب الشغل ويصرف من اللي حوشه لغاية ما يقوم مشروعه ويبدأ يدخله أرباح
على الرغم إن الطريقة دي أقل خطورة إلا إنها مش أحسن حاجة بسبب إنك هتضيع وقت كبير علشان لسة تشوف هتعمل إيه
كمان هتبقى تحت ضغط مستمر إن الوقت بيعدي ولسة ومشروعك ما قامش على رجليه. أو إنك بعد ما تبدأ مشروعك تكتشف غلطات كتير في فكرتك وإدارتك للمشروع وتدخل في مشاكل كتير
والضغط المادي هيطاردك طول الوقت وهيخليك مش عارف تفكر كويس وتاخد قرارات سليمة
طيب إيه الحل؟
الحل اللي بنقدمه في منظومة
Passion To Profit
هو ببساطة إنك تبني مشروعك الخاص بصورة صغيرة جدا جنب شغلك الحالي علشان تتأكد من نجاح فكرتك وقدرتك على إداراة المشروع. وفي نفس الوقت تبدأ تحوش فلوس تكفي مصاريفك والتزاماتك لفترة ٦ شهور على الأقل لزيادة الأمان
ولما تلاقي مشروعك بيكبر يوم بعد يوم ساعتها تقدر تاخد قرار الإستقالة وإنت مطمن وتتفرغ لمشروعك وشغفك وحلمك
الطريقة دي ممكن ماتكنش هي الأسرع ولكن بالتأكيد هي الأكثر أمانا ومتعة، لإنك بتشتغل بدون أي ضغوط وبتلغي أي مخاطرة بمسؤولياتك والتزاماتك
هي دي الطريقة اللي أنا عملتها شخصيا علشان أقدر أسيب الوظيفة اللي مبحبهاش وأكمل بقيت حياتي عايش باسلوبي مش باسلوب مفروض عليا
إنت مش مضطر تقبل بشغل مابتحبوش بس علشان لقمة العيش. لإن انهاردة بقى في فرصة حقيقية إنك تعيش حياتك بشكل مختلف وتكسب فلوس أكتر بكتير ويكون ليك أثر أكبر بكتير من خلال مشروعك الخاص في مجال شغفك
بدعوك تنضم لينا في عيلة
Passion To Profit
علشان نقف معاك خطوة بخطوة لغاية ما تحقق حلمك وتعمل مشروعك اللي هيغير حياتك وحياة ناس كتير
خلي_شغفك_شغلك#
محمد تهامي