في تقرير المؤشر العالمي لريادة الأعمال لعام ٢٠١٧، نسبة ٨٣،٤٪ من المصريين بيعتبروا ريادة الأعمال خيار مهني جيد جدا
ده معناه إن في غالبية كاسحة من المصريين عاوزين يكون عندهم مشاريع خاصة بيهم
:رغم إن في رغبة كبيرة بالشكل دة، معظم الناس بتخاف تقدم على الخطوة دي لأسباب كتير منها
الخوف من عدم استقرار الأوضاع في البلد -
مش عارف إيه فكرة المشروع اللي ممكن تنجح -
الخوف من الفشل والخسارة المادية الجسيمة -
مش هيقدر يسيب الشغل بسبب المسؤوليات والالتزامات -
وغيرها من الأسباب الأخرى -
المحزن بقى إن عالم ريادة الأعمال مش بيقدم حلول حقيقية تقدر تساعد الموظف اللي بقاله ما يقرب من ١٠ بيشتغل ومرتبط بشدة بالوظيفة علشان مسؤوليات بيته وأولاده
لأن الكل بيؤكد على خطورة ريادة الأعمال وإنها مش لأي حد وعاوزة واحد عنده قدرة على تحمل التحديات ومواجهة المخاطر .. إلخ إلخ
فبالتالي يفضل الموظف مغلوب على أمره مضطر يقبل الشغل اللي مش بيحبه علشان لقمة العيش
لازم نقف وقفة مع الحالة دي
والحقيقة في كلام كتير جدا ممكن يتقال
بس في المقالة دي عاوز أركز على نقطة مهمة جدا
معظم التوجه في عالم ريادة الأعمال بيقولك إزاي تبدأ مشروع وتعمل دراسة جدوى وتحصل على استثمار وتعين موظفين … إلخ
النقلة دي مهولة وبالتأكيد فيها مخاطرة كبيرة لإن العلم والخبرة اللي إنت محتاجها علشان تنجح مشروع بالحجم ده مش موجودة عندك … ودراسة الجدوى النظرية اللي على الورق لا تضمن بأي حال من الأحوال قدرتك على إدارة المشروع
علشان كدة فلسفة الحل اللي بنقدمه في
Passion To Profit
قائمة على فكرة إنك قبل ما تفتح شركة كبيرة زي ما هو متوقع من رائد الأعمال، لازم الأول تعرف إزاي تكون تاجر
يعني تعرف ببساطة إزاي تقدم منتج أو خدمة بتحل مشكلة عند الناس وإزاي تبيعلهم المنتج ده
ودي محطة مرحلية مهمة جدا في رحلتك من موظف لرائد أعمال
محطة بنسميها
The Side Business
مشروع صغير جدا، عندك القدرة تديره لوحدك وتحقق منه ربح جنب شغلك الحالي
لما المشروع ينجح وتلاقي في إقبال وبيكبر يوم بعد يوم … ساعتها هتكون متطمن إنك تسيب الشغل لو حبيت وتتفرغ لمشروعك الخاص وتكمل بقيت حياتك عايش باسلوبك مش باسلوب مفروض عليك
لو عاوز تعرف أكتر عن الموضوع، بدعوك لحضور محاضرة بعنوان
The Side Business
