:أي حاجة في الدنيا بتتمدد أو تكبر عن طريق حاجتين
١. الضغط
٢. الحرارة
علشان كدة علشان تكبر وتتطور وتكون شخص أفضل وتنتقل لمستوى أعلى في حياتك لازم تمر بظروف تحطك تحت ضغط - أو مجازا حرارة - شديد
...لكن خلي بالك
الضغط الزيادة بيؤدي للإنفجار … والحرارة الزيادة بتؤدي لحريقة
علشان كدة لازم يكون في عامل تالت علشان يحول الضغط لطاقة إيجابية
العامل ده هو الشكر
"ولئن شكرتك لأزيدنكم"
...يعني إيه الكلام ده
يعني لو إنت مش مبسوط في شغلك بقالك فترة ومضغوط وتعبان … ماينفعش تسيب نفسك كدة وإلا العواقب ممكن تكون وخيمة
وكمان مش هينفع تقعد تفكر إيجابي وتقول الشغل حلو ولازم الواحد يبص على نص الكباية الماليان
إنت هتشكر ربنا على إن الأوضاع السيئة دي في الشغل حصلت ونبهتك إنك لازم تاخد خطوة مهمة في تعديل مسار حياتك علشان تخلي مستقبلك المهني أفضل بكتير
يعني مثلا عمرك سمعت حد قال ”أنا أحسن حاجة حصلتلي في حياتي إنهم مشوني من الشغل. لولا "ده عمري ما كنت هاخد الخطوة وأبدأ مشروعي وأحقق الإنجاز اللي وصلتله
الضغط لما يتزيد لازم تلحقه بالشكر قبل ما يؤدي للإنفجار … بس الشكر هنا مش معناه استسلام للوضع والرضا بالمكتوب … الشكر هنا هو تقدير الإشارة اللي ربنا بعتهالك في صورة أوضاع صعبة بتمر بيها علشان تنتبه وتاخد خطوات جدية للتغيير وإنك تخرج أحسن ما فيك
كتير بلاقي ناس تقوللي أنا مبسوط في شغلي مش عاوز أعمل مشروع خاص … وبعد كام سنة ييجي يقوللي للأسف الوضع اتغير خالص في الشغل ومابقتش مبسوط زي الأول وبفكر جديا دلوقتي أبدأ مشروعي
كل إنسان بتجيله اللحظة المناسبة اللي بتفوقه وتخليه ينتبه إن هو يستاهل أفضل من كدة بكتير ولازم ياخد حياته لمستوى تاني من الإنجاز والنجاح
ابدأ دلوقتي وخلي الضغط اللي إنت فيه محرك إيجابي ودافع لحياة أفضل ليك وللناس اللي حواليك
خلي_شغفك_شغلك#
محمد تهامي