تقرير مفصل: سترابو عنده الحل

أنا متأكد انك بعد دقايق معدودة هتعتبر التقرير ده أهم تقرير قريته في حياتك حتى الآن

بوعدك إن مع آخر كلمة هتقراها هتكون اتعلمت شئ مهم جدا هيكون علامة فارقة في مستقبلك المادي والمهني

انصحك تفرغ وقت دلوقتي لقراءة التقرير بالكامل لأنك تستحق حياة تحب تعيشها، مش تهرب منها ... انت تستحق تشتغل في مجال بتحبه فبالتالي تبدع فيه ويكون دخلك أكبر وأثرك اكبر وتكون حر نفسك ... بتعيش حياتك باسلوبك مش باسلوب مفروض عليك

اسيبك دلوقتي تستمتع بالتقرير

سترابو، مؤرخ جغرافي ورحالة يوناني اتولد سنة ٦٤ ق.م

أثناء رحلاته في المنطقة العربية قال جملة من ٣ كلمات عن طبيعة العرب

الجملة دي بتفسر ليه انت مش مبسوط في شغلك وليه دايما حاسس انه أقرب لسجن منه إلى وظيفة

والعجيب ان نفس الجملة دي فيها الحل اللي المفروض تعمله علشان تقدر تشتغل الحاجة اللي بتحبها وتكون حر نفسك وتعيش حياتك باسلوبك مش باسلوب مفروض عليك

أنا كنت زيك في يوم من الأيام وكانت ...ـ

فضلت أعافر ١٠ سنين وجت عليا لحظات كنت خايف أفضل كدة مجبر أعمل حاجة مبحبهاش علشان المرتب و مسؤوليات بيتي وأولادي

لكن في النهاية قدرت أغير الواقع واتفرغ وأشتغل الحاجة اللي بحبها. واتأكدت تماما إن الجملة اللي قالها سترابو من قرون هي الحل الأمثل للخلاص من الوظيفة اللي لا تتناسب مع أحلامك وطموحاتك

قبل ما أقولك الجملة خليني أحكيلك قصتي وتجربتي علشان تعرف أنا ليه مؤهل ومؤمن ومتحمس جدا لجملة سترابو وشرحها ليك

أنا اسمي محمد تهامي

قصتي بدأت في اللحظة اللي قررت فيها إني عاوز أعيش حياتي باسلوبي مش باسلوب مفروض عليا

فضلت سنين أبحث عن شغفي لغاية ما اكتشفته في آخر سنة في الكلية

أنا مهندس اتصالات جامعة عين شمس وفي آخر سنة اكتشفت اني بعشق الـ
Motivational Speaking

الغريب إني عمري ما جربت أقف واتكلم قدام الناس. بالعكس خالص أنا شخصية انطوائية جدا. لكن كان بيحصلي حالة هوس لما بشوف شخص في أي مجال واقف وبيخطب قدام الناس وبيأثر فيهم. معرفش ايه اللي كان بيشدني للحالة دي وبحس اني مكان الشخص ده. بالاضافة لعشقي لمادة علم النفس ايام الثانوية العامة

المهم بما اني معنديش أي خبرة بالمجال ولا عارف ممكن اشتغل فيه ايه أو ازاي اتخرجت سنة ٢٠٠٣ واشتغلت مهندس عادي جدا

لكن اخدت قرار اني من ٩ لـ ٥ هشتغل واكسب لقمة عيشي لكن من ٥ لـ ٩ هبني حلمي وابحث واستكشف واكبر شغفي

وبعد ٦ سنين من الدراسة والممارسة وبناء الخبرة كتبت أول كتاب ليا اسمه
The Pharaohs’ Code

الكتاب بيدمج في وصفة فريدة وصايا المصريين القدماء وحكمتهم عن ازاي تعيش حياة سعيدة وتحقق نجاح يسيب أثر طيب بعد رحيلك ووصايا خبراء النجاح والتنمية الذاتية في العصر الحديث

المفاجأة انه في ١٩ مايو ٢٠٠٩ حقق الكتاب المركز رقم ١ مبيعا في قسم كتب التحفيز على موقع أمازون الشهير

أنا مكنتش مصدق نفسي الليلة دي… صحيح الكتاب مابعش ملايين ولا حاجة بس في اليوم ده كان بيتنافس مع الكتاب الشهير ”العادات السبعة“ لستيفن كوفي

كان بالنسبالي نصر عظيم ونقلة كبيرة وماكنتش عاوز انام ليلتها وفضلت صاحي لغاية أقصى قدرة عندي وبعدين غفلت وصحيت على صوت المنبه بتاع كل يوم

صحيت مش مجمع ايه اللي بيحصل. ده كان حلم ولا حقيقة … وحسيت ان في حاجة غلط. أنا كنت متصالح تماما مع نفسي الفترة اللي فاتت. الصبح في الشغل وباليل في حلمي. لكن اللي حصل ليلة امبارح ده شئ يحتاج وقفة تسأل فيها نفسك سؤال مهم

اكيد سألت نفسك السؤال ده كتير قبل كدة

ولو كنت مكاني مكنتش هتجاوب غير اجابة واحدة بس
اسيب الشغل… مش كدة

الحقيقة دي كانت اجابتي من غير تردد

!بس للأسف مقدرتش انفذها

أنا من أول يوم ليه وانا بشتغل في شركات عالمية مشهورة وصعب تسيب المزايا والمرتب اللي بتاخده

وكنت متجوز جديد فكان صعب اغير مساري كدة في يوم وليلة وانا مسؤول عن بيت جديد. وانا بطبعي مابحبش أعمل حاجة فيها مخاطرة كبيرة

وكان أكبر عائق بالنسبالي هو المرتب. ازاي شغفي يتحول لمشروع يجيبلي دخل متوقع كل شهر زي شغلي علشان اقدر ارتب حياتي بناءا عليه

كل اللي درسته حتى اللحظة دي لم يؤهلني لمواجهة التحدي ده. انا كنت مركز بالكامل على بناء خبرتي العلمية في المجال اللي بحبه بس كنت ناسي خالص أهمية بناء الخبرة التجارية كمان علشان شغفي ده يبقى هو المشروع اللي بيدعم حياتي وحلمي

نقطة ومن أول السطر ورحلة جديدة للبحث عن ازاي احول شغفي لمشروع خاص ناجح باسهل وأأمن طريقة ممكن

الرحلة دي انتهت بعد سنتين ونصف. ممكن تكون الرحلة طولت شوية بس انا كنت بدور على طريقة آمنة تماما ضد الفشل. الفشل وارد طبعا في كل حاجة بس انا كنت عاوز طريقة تخلي الفشل ما يقطمش الظهر زي ما بيقولوا

المهم السنتين ونصف دول خلصوا في توقيت عجيب جدا

اكيد فاكر التاريخ ده كويس

ايوة بالظبط كدة

بعد الثورة بسنة

ده التاريخ اللي توصلت فيه للمعادلة الصعبة واللي استقلت فيه من شغلي وبدأت مشروعي الخاص وتفرغت تماما لشغفي

كل الناس كانت مصدومة فيا… يعني انت بقالك عشر سنين صابر وجاي تسيب الشغل في الوقت ده

لو تفتكر دي كانت اسوأ فترة في تاريخ مصر الحديث. وكان كل الناس بتترفد من شغلها والشركات بتقفل ووضع اقتصادي في منتهى السوء

اتهاجمت كتير بالذات لأن في الوقت ده كان عندي بنت عندها سنة اسمها مليكة … انهاردة عندي مليكة وآدم وبلال

والناس اللي كانت بتنصحني بصدق ومؤمنة بحلمي قالولي اللي انت عاوز تعمله ده صح بس اختيار التوقيت ده كارثي. ونوع المشروع بتاعك ده مياكلش عيش في الظروف دي. هتحفز الناس ازاي وعلى ايه في الظروف دي

لكن الحقيقة أنا كان عندي يقين من جوايا ان ده انسب وقت وكنت على يقين بالله ثم بالمعادلة اللي توصلتها بعد كل رحلة البحث دي

وفعلا انا كنت صح مليون في المية

كل حاجة حلوة حصلت بعد كدة

كتبت ٤ كتب كمان آخرهم رواية ”الأسطورة سبعة“ واللي كانت حلم قديم بالنسبالي وأكثر الأعمال اللي أنا فخور بيها حتى الآن. الرواية دي بتجسد المبادئ السبعة للحياة بشغف في صورة عمل درامي ملهم ومشوق للغاية

وبتشرف اني بمثل مصر كعضو في أكبر منظمتين في العالم للمتحدثين المحترفين وهم
National Speakers Association
Global Speakers Federation

وفي ٢٠١٥ اسست مشروع في مجال آخر بعشقه وهو الشطرنج اسمه
Chess Your Child

دي أول وأكبر اكاديمية في مصر لتعليم الشطرنج للأطفال كأداة لتنمية وتطوير شخصيتهم. ودلوقتي عندنا أكتر من ١٠ فروع وبنتعاون مع مدرستين وبنسعى للمزيد

المشروع ده اسسته بنفس المعادلة اللي توصلتلها في ٢٠١٢ واللي تحولت بعد كدة لمنظومة متكاملة اسمها
Passion To Profit

واللي بناءا عليها أسست شركة
The Passion Point

المتخصصة في مساعدة الموظفين على التخلص من الشغل اللي لا يشبع طموحاتهم وأحلامهم وإعادة اكتشاف شغفهم من جديد و تحويله لعمل خاص ناجح يقدروا من خلاله يغيروا حياتهم وحياة الآخرين للأفضل

وعلى مدار الخمس سنين اللي فاتوا ساعدنا المئات على انهم يبدأوا مشاريعهم الخاصة في مجالات كتير جدا منها ... ـ

الفنون، التكنولوجيا، الصحة والتغذية، الطب البديل، التصوير، الإعلام، صناعة الأفلام، السفر والمغامرة، الأزياء والموضة، الحرف اليدوية، الطبخ، الكتابة والثقافة، الترجمة، التجميل، الديكور، شؤون الأسرة والطفل، التربية الإيجابية، الرسوم المتحركة، التأمل واليوجا، الرسم، المجوهرات، التدريب، الاستثمار، التنمية الذاتية وعلم النفس، تنظيم الحفلات والمؤتمرات، الرقص، اللياقة البدنية، المبادرات المجتمعية، أنواع مختلفة من الرياضات و الفنون القتالية، الإبداع، الألوان، العقارات، التعليم، تمكين المرأة، التعليق الصوتي، الألعاب، وغيرها كتير

من خلال منظومة
Passion To Profit
بنحلم نغير حال الموظفين في العالم كله

مش هنسمح تاني ان يبقى في موظف حاسس بالعجز والخوف انه هيفضل طول عمره بيعمل حاجة مبيحبهاش علشان لقمة العيش

انت تستاهل تعيش حياتك بسعادة وتكون حر نفسك وتبدع في المجال اللي بتحبه علشان يكون دخلك أكبر وأثرك أكبر وأكبر

أكبر درس اتعلمته من الرحلة دي حتى الآن هو

زي ما بيقول المثل

اللي تخاف منه … مايجيش أحسن منه

كل لما تفضل مستني الوقت المناسب هتخسر كتير لأنه عمره ما بييجي. واحيانا لما بتتأخر زيادة عن اللزوم بتفوت عليك الفرصة خالص

احيانا كتير بيبقى احسن وقت تعمل فيه تغيير كبير في حياتك هو الوقت اللي الظروف من حواليك من اسوأ ما يكون

الحقيقة ان أهم من الوقت هو الاستعداد. اسعى واستعد وابني حلمك خطوة خطوة علشان تقدر تعمل التغيير اللي بتحلم بيه في الوقت اللي انهيت فيه استعدادك ايا كان هو ايه واللي ربنا فيه هيلهمك ويكافأك ويزرع في قلبك اليقين انك بتاخد القرار الصح

نرجع بقى لمقولة سترابو

اثناء رحلاته في البلاد العربية لاحظ في طبيعة العرب شئ مذهل خلاه يقول جملة بسيطة من ٣ كلمات بيوصفهم بيها

 اوعى تغرك بساطة الجملة أو تعتبرها سطحية

اصبر عليا وأنا هكشفلك سرها وقد ايه هي عميقة

الجملة بتقول...ـ

بسيطة صح … بس سر قوتها في بساطتها

خليني أفسرهالك واحدة واحدة

الجملة بتدل ان في جينات كل عربي من قديم الأزل الرغبة في امتلاك مشروع خاص أو احتراف التجارة بوجه عام

من الآخر العرب متخلقوش موظفين

جملة صادمة صحيح بس اصبر معايا للآخر وهتلاقي تفسير وحل لكل مشاكلك الوظيفية

العرب في طبعهم تجار

احنا لا يمكن نكون زي الهند والصين وغيرهم اللي معروف عنهم انهم بيشتغلوا من غير تفكير زي الروبوت. وعلشان كدة الغرب بيستغل انهم عمالة رخيصة وبتسمع الكلام وبتشتغل زي … سامحني في اللفظ … انت عارف بقى

احنا في طبعنا حب للابداع والريادة والتجارة

أنا رغم اني كنت مهندس شاطر جدا وسمعتي رائعة في كل الشركات اللي اشتغلت فيها لكن طول الوقت حاسس اني لا يمكن اكمل حياتي موظف. ليه مش عارف. رغم ان ظروف شغلي ماكنتش جحيم يعني. بس هو احساس داخلي اني لا انتمي لعالم الوظيفة وعاوز ابقى حر نفسي

والدليل على كلامي كمان ان في كل مؤتمرات ريادة الأعمال في العالم بنلاقي على منصة التتويج عرب بيتكرموا على مشاريعهم

يعني مثلا في ابريل ٢٠١٧ في مؤتمر
Seedstars Summit

 
واحد من اكبر مؤتمرات ريادة الأعمال في العالم في سويسرا في اتنين عرب اتكرموا
واحد اماراتي وواحد اردني

ورئيسة المؤتمر قالت في كلمتها انها سعيدة جدا ان الشباب العربي بدأ يغير توجهه من انه يسافر لأمريكا إلى انه يعمل مشاريع بتحل المشاكل العميقة اللي بيعاني منها بلادهم

وقالت ان المشاكل دي هي أكبر فرصة للنجاح

وده حقيقي بنسبة مية في المية

كل ما زادت المشاكل في مجتمع ما، كل ما زادت فرصة نجاح المشاريع الناشئة

لأن سر نجاح أي مشروع هو انه قدر يحل مشكلة كبيرة بافضل طريقة ممكنة

!مش قولتلك قبل كدة ان اسوأ وقت هو افضل وقت

وأكيد مش هننسى المصرية مي مدحت مؤسسة
Eventtus

واللي كانت على المنصة مع باراك أوباما ومارك زاكربرج

العرب رواد أعمال وتجّار بالفطرة

دي أول فكرة في جملة سترابو

قبل ما انتقل للفكرة التانية اللي هي الأخطر على الاطلاق واللي محدش بيذكرها خالص. علشان كدة طول الوقت بتفضل خايف وحاسس انك لا يمكن هتقدر تفتح مشروعك علشان المخاطرة واحتمالات الفشل عالية جدا وان قدرك انك لازم تستحمل وتستسلم لأسر الوظيفة للأبد...ـ

خليني أرد سريعا على تساؤول مشروع ممكن تكون بتفكر فيه دلوقتي ألا وهو

هرد على التساؤل ده في ٣ نقاط سريعة

١.

أكيد في شريحة كبيرة بتحب عالم الوظيفة وكل طموحها الارتقاء فيه. مفيش أي مشكلة. بس دول هقولهم للأمانة إن هيييجي وقت بعد سنيين كتير هتلاقي التدرج الوظيفي بيخلق سقف وحدود بتبقى ضيقة لدرجة تخنق. خد بالك بس واسأل كويس

٢.

انا اعرف ناس رواد أعمال جوة شركتهم. بمعنى انهم فتحوا مشاريع وشركتهم بقت هي العميل الرئيسي ليهم وهم لسة جوة الشركة

لسة صديق ليا بيحكيلي ان موظف عندهم لما الشركة نقلت مكانها للقرية الذكية قرر يفتح شركة ويقدم خدمة باصات لتوصيل الموظفين. بدل ما الشركة تتكلف شراء باصات وتتحمل مسؤولية ادارتها هو عمل كدة

في البداية كان مجرد وسيط لشركات تمكلك باصات وبعد كدة لما المشروع كبر وبقى معاه سيولة اشترى باصات خاصة باسمه جنب باصات الشركات التانية اللي بيتعامل معاهم كوسيط

يا ريت كل الشركات تشجع موظفينهم يعملوا مشاريع خاصة في المجالات اللي بيحبوها وممكن جدا المشاريع دي تفيد الشركة بشكل مباشر أو حتى تبقى قيمة مضافة للموظفين أو العملاء بتوع الشركة

احنا بنعمل كدة في
Passion Point

بنشجع كل فريق العمل اللي معانا ان يكون عنده مشروعه الخاص واللي من خلاله نقدم نقدم قيمة مضافة لعملائنا

٣.

وسط زيادة الأسعار اللي محاوطانا من كل ناحية واللي واضح انها هتفضل تزيد، الحل الوحيد انك تبدأ مشروع خاص جنب شغلك الحالي علشان تقدر تواجه تحدي الغلاء اللي بيتوحش كل يوم عن التاني

مهما كانت الشركة اللي بتشتغل فيها كبيرة لا يمكن تقدر تواكب زيادة الأسعار اللي بتحصل بشكل مخيف وجنوني

خليك مسؤول عن مستقلك المهني والمادي وابدأ مشروع صغير جنب شغلك … مش لازم تفكر انك تسيب الشغل دلوقتي

نرجع بقى للكلمة التالتة الخطيرة في جملة سترابو

كلمة ”تاجر“
الكلمة دي أنا بعتبرها

عالم ريادة الأعمال مخيف وبتحاوطة ريحة الخوف من الفشل والمخاطرة من كل حته

وعالم كبير … والصورة الذهنية بتاعته عبارة عن مستثمرين لتمويل المشروع و أوراق واجراءات وحسابات وفريق عمل وعملاء وضرايب … إلخ

أخطر حاجة انك تبدأ مشروع خاص في يوم وليلة وانت لسة بتفكر بعقلية الموظف

انت كموظف بتشتغل في مواعيد ثابتة عندك قائمة مهام محددة وليك مدير بيقولك تعمل ايه وماتعملش ايه … الخ

لكن كرائد أعمال انت المسؤول عن كل شئ

انت المسؤول… واحيانا كتير المنفذ لغاية ما تقدر تعين فريق عمل …عن المنتج والتسويق والبيع والعملاء والحسابات وكل شئ … انت سيد قرارك

لو مش مجهز نفسك للنقلة دي يبقى اوعى تعملها

علشان كدة مرحلة التاجر مرحلة في منتهى الخطورة والأهمية لأنها المرحلة الوسطية اللي بتأهلك للإنطلاق في عالم ريادة الأعمال بصورته الكاملة بعد كدة … واللي ممكن كمان تفضل فيها وتبقى مبسوط وبتكسب فلوس كويسة جدا وتبقى مرتاح لحجمها البسيط ده

التاجر ببساطة هو واحد بيتقن عملية البيع والشراء باحتراف

التاجر هو شخص يمتلك أدوات عامودين أساسيين لقوام أي مشروع ناجح

العامودين دول هما

المنتج والبيع

التاجر المحترف بيعرف يوجد أو يصنع المنتج اللي بيسد احتياج عند شريحة معينة في السوق وكمان بيعرف ازاي يبيع المنتج ده

من غير المهارتين دول لايمكن تخاطر بالدخول لعالم ريادة الأعمال

لازم تتقنهم الأول لأنهم الركيزتين اللي لايمكن أي مشروع يقدر ينجح من غيرهم واللي لا يمكن متكونش انت بنفسك بتعرف تعملهم. وإلا ممكن لو اعتمدت على حد يعملهمكلك يطمع فيك ويحط شروطه بعد كدة لأنه هو اللي بيقدر يمشي المركب ومن غيره هتغرق

في معظم مسابقات ريادة الأعمال بتلاقي دايما الحكم على أي مشروع بيكون جزء منه فرصة المشروع ده انه ينمو ويحقق ملايين

وعند الصخرة دي بتتحطم أحلام كتير

انت أصلا ممكن متكونش أولوياتك دلوقتي مشروع يجيب ملايين. ممكن ببساطة يكون كل هدفك انك تبدأ مشروع صغير يدخلك ١٠ أو ٢٠ أو ٣٠ ألف في الشهر زي ما انت عاوز وتكون مرتاح جدا وعايش مبسوط بانك حر نفسك وبتبدع في المجال اللي انت شغوف بيه

النوع ده من المشاريع بيسموه بره
The Lifestyle Business

المشروع اللي انت بتعمله علشان تكسب الفلوس اللي تخليك تستمتع بحياتك بالطريقة المناسبة ليك

لا يمكن نقتل حلمك ونحجر على أفكارك لمجرد انها غير قابلة للنمو أو انها تجيب ملايين

مرحلة التاجر مهمة وناس كتير ممكن تبقى مرتاحة انها تفضل فيها. والأكيد إن اهمالها والانتقال بشكل مباشر لمرحلة رائد الأعمال بيحتوي على مخاطرة كبيرة جدا

ودي مشابهة لفكرة مهمة ذكرها مدربي الشخصي وأسطورة المشاريع الصغيرة في العالم مايكل جربر في كتابه
The E-Myth

واللي يعتبر أنجح كتاب في البيزنس في التاريخ …

فكرة الكتاب قائمة على ان أكبر سبب لفشل المشاريع الناشئة هي
Most entrepreneurs are merely technicians with an entrepreneurial seizure

بمعنى ان معظم أصحاب المشاريع الناشئة بيظنوا انهم هينجحوا لمجرد انه بيفهم كويس جدا (بشكل تقني وعلمي) في المجال اللي هيبدأ فيه مشروعه

وده ظن خاطئ تماما لأن الخبرة العلمية حاجة والخبرة التجارية حاجة تانية خالص ومحتاجة لإعداد وتأهيل… واللي بتتمثل بشكل رئيسي في الانتقال من مرحلة الموظف لمرحلة التاجر اللي فيها بتتشرب طريقة تفكير رائد الأعمال وتحمل المسؤولية وبتتقن سببين نجاح أي مشروع زي ما قولنا وهما: المنتج والتسويق والبيع

علشان كدة منظومة
Passion To Profit System
اتبنت من خلاصة تجربتي الشخصية علشان تكون هي المنظومة الأسهل والأكثر أمانا في العالم علشان تحول شغفك لمشروع خاص ناجح تقدر من خلاله تعيش باسلوبك مش باسلوب مفروض عليك

المنظومة دي عملية جدا ونسبة نجاحها ١٠٠٪ مع كل اللي طبقوها. مافيش حد طبق منظومة
Passion To Profit System
على مدار الخمس سنين اللي فاتوا وفشل الحمد لله

عبقرية منظومة
Passion To Profit
"بتكمن في كلمة ”نظام
System

نظام يعني خطوات ممنهجة وعملية لتحقيق الهدف المنشود كل مرة

زي ماكدونالدز كدة بالظبط… نظام بيخرج نفس المنتج بنفس الطعم بنفس الطريقة كل مرة

أيا كان نوع شغفك ايه… بتنفذ نفس الخطوات اللي بينتج عنها ان شغفك يتحول لمشروع ناجح. هي نفس المنظومة اللي حولت الشطرنج لمشروع ناجح

كل الناس اللي في وسط الشطرنج مذهولين لأن معظمهم مكنش يخطر على بالهم ان ممكن الشطرنج يبقى بيزنس ولأن في قلة حاولوا قبل كدة يفتحوا مشاريع صغيرة ليها علاقة بالشطرنج وفشلوا

قبل ما أشرحلك منظومة
Passion To Profit System

خليني أقولك هي امتى متكنش مناسبة ليك

١.

لو معندكش صبر وبتسعى للمكسب السريع

المنظومة دي ممكن متكونش هي الأسرع ولكن بالتأكيد هي الأأمن. إحنا واخدين في اعتبارنا انك حاليا موظف وعندك أهم حاجة عندك المسؤوليات والالتزامات اللي عليك. علشان كدة الأمان أهم من السرعة

كمان لأني عارف ان وقتك ضيق جدا وبتبقى مجهد بعد يوم طويل في الشغل، صممت منظومة
Passion To Profit
بحيث انك ممكن تنفذ الخطوات اللي فيها بمعدل نصف ساعة فقط كل يوم

أنا مش عاوز عقلك أو الناس اللي حاواليك يحسوا انك بتعمل تغييرات جذرية في حياتك علشان ميقفوش ضدك وانت في بداية المشوار وعقلك يقعد يبعتلك أفكار مخيفة ومحبطة

أنا بعتبر الطريقة دي أكنك بتبني مشروعك بطريقة
Building a Business In Stealth Mode

بشكل خفي مايلاحظوش الرادار اللي بيتمثل في عقلك والمحبطين اللي حواليك

بس علشان اديلك توقع امتى ممكن تشوف مشروعك واقف على رجليه خليني أقولك الآتي

مشروع الشطرنج قام في خلال ٤٠ يوم

وعلى مدار الخمس سنين اللي فاتوا وتدريبنا لأكثر من ٢٠٠٠ شخص شوفنا ان المعدل اللي الناس بتبدأ في مشروعها بيكون من ٦ شهور لسنة في حالة انهم بيبدأوا من الصفر

٢.

لو مش بتقدر البساطة

منظومة
Passion To Profit System
في منتهى البساطة. أحيانا ناس كتير بتنخدع من بساطتها وبيذهلوا من النتائج بعد كدة

في بعض الناس مش بيقدر الشئ غير لما يكون مركب وعميق ودسم للغاية علشان يحس بقيمته. بس أنا مؤمن بعبقرية البساطة. وكتابي الثالث أصلا عن البساطة اسمه

Midway Simplicity

المنظومة عملية للغاية وبسيطة للغاية … لكنها فعالة بدرجة مذهلة وغير مسبوقة

٣.

لو بتمر بازمة شديدة في حياتك حاليا

وبتتعرض لحالة اكتئاب شديدة ورفض للحياة بسبب انفصال أو حالة وفاة أو أيا كان، أنصحك انك تتعافى الأول وتقف على رجليك وبعدين تفكر تطبق منظومة

Passion To Profit System

الحاجة الأخيرة قبل شرح المنظومة … عاوز أكلمك عن البدايل المتاحة

هما بديلين رئيسيين

١.

ماجيستير إدارة أعمال MBA

ودي محتاجة فلوس كتير ووقت كتير جدا واسأل اللي أخدها نفعته انه يبدأ مشروع ولا لأ قبل ما تقرر تخوض هذه التجربة الصعبة والمكلفة جدا

٢.

حضانات الأعمال

ودي عبارة عن شركات بتحتضن المشاريع الناشئة وبتوفرلهم تدريب وموجهين ومكان مشترك للشغل وإدارة

مشاريعهم في البداية

مشكلة الحضانات دي انك لازم تقدم وبيختاروا عدد ناس محدود ولو قرروا يستثمروا في مشروعك بياخدوا نسبة معينة من الأرباح مقابل كل الخدمات اللي بيقدموهالك

لا شك انهم بيفتحولك فرص كتير بس معظمهم بيدور على اللي جاهز يكون رائد
أعمال علطول مش لسة موظف وبيحاول يخرج من العالم الضيق ده لعالم الحرية

النظام مكون من ٤ خطوات رئيسية

اكتشاف الشغف اصبح سؤال وجودي وهو أصلا مافيش أسهل منه وهقولك ازاي

بس الأول ليه الشغف هو نقطة البداية وليه مهمة

في ٢٠٠٧ بدأت سلسلة حوارات مع أفضل خبراء النجاح وإدارة الأعمال في العالم وكنت بسألهم عن قصص وأسرار نجاحهم. كان في سؤال دايما كنت بسأله وهو “إيه لحظة التحول اللي حصلت في حياتك؟

كان عندي فضول أعرف إيه اللحظة اللي بتحول إنسان عادي شبه كل الناس لإنسان غير عادي بيأثر في كل الناس

إتفاجأت إن كل مرة أسأل فيها السؤال ده كان بيجيلي نفس الإجابة

كانت دايما الإجابة تيجي في صورة: حياتي إتحولت أول ما بدأت أسمع لقلبي وأعيش بشغف

أنا كمان إكتشاف شغفي وسعيي وراه كان نقطة التحول في حياتي

!ناس كتير بتفتكر إن إكتشاف الشغف ده موضوع صعب جدا جدا. بس في الحقيقة هو مفيش أسهل منه

وانت الوحيد اللي يقدر يعرفه علطول لأن ببساطة هي الحاجة اللي لما تعملها أو تشوف حد بيعملها بتكون في قمة مجدك وسعادتك

أومال ليه طيب انت مش قادر تكتشف شغفك بالسهولة دي

٤ أسباب رئيسية

١.

لعنة الرؤية

الناس بتبقى عاوزة تشوف آخر الطريق قبل ما حتى تبدأ تسعى. وده بسبب لعنة “الرؤية” اللي ملوا دماغنا بيها. لازم يكون عندك رؤية... لازم يكون عندك رؤية ... لازم يكون عندك رؤية ... شئ مرهق ومحبط جدا لأي حد

أحد الحضور مرة كانت محرجة جدا إنها تقول إيه شغفها، لأنها كانت متصورة إنها حاجة تافهة جدا. هي شغوفة زي ما قالت بـ ”ترويق البيت“، ومكنش عندها أدنى فكرة ممكن تعمل إيه بشغف زي ده إلا إنها تشتغل شغالة في البيوت ... هههه
 
للأسف كل كتاب في مجال التنمية البشرية بيأكد على موضوع الرؤية و إنك زم تكون شايف حياتك بعد سنين قدام هيكون شكلها إيه. فبالتالي ناس كتير حرمت نفسها إنها تمارس الحاجة اللي بتحبها لمجرد إنهم مش شايفين مستقبل حاجة زي كدة عامل إزاي أو الرؤية اللي شايفنها مش مناسبة لظروفهم حاليا أو مستحيلة المنال

السؤال هنا لكل اللي بيدفعوا الناس لسكة الرؤية … إزاي الواحد يبقى عنده رؤية للمستقبل وهو معندوش رؤية عن الحاضر؟

الأخت اللي كانت محرجة من شغفها لو بحثت في
Google
لمدة دقيقة وكتبت كلمة
Tidying Up
اللي هي الترويق
كانت هتكتشف إن كتاب إسمه
The Life Changing Magic of Tidying Up
لمؤلفة إسمها ماري كوندو. كتاب باع أكتر من ٢ مليون نسخة حول العالم
 
طبيعي جدا ميكونش عندك رؤية دلوقتي

واحد مرة قالي أنا جدي الله يرحموا كان دايما يقوللي ”يابني خف القدم ترزق“

“خف القدم ترزق”

الرؤية بتيجي مع السعي والحركة

زي المثل اللي بيقول في الحركة بركة

مافيش أي مشكلة إنك تبدأ باللي إنت شايفه متاح، ومتحملش هم المستقبل دلوقتي أو الخطوات اللي بعد كدة هتكون ايه

انت مش محتاج تشغل بالك غير بخطوة واحد بس كل مرة. لما تخلصها الخطوة التانية هتكشف نفسها بشكل تلقائي وهكذا

ليه تلغي شغفك و تحرم نفسك إنك تستمتع بيه لمجرد إنك مش عارف مستقبله إيه أو هتكمل إزاي أو آخره إيه ... إلخ إلخ

يا سيدي ابدأ مارسه لمجرد انه بيبسطك مش لأي سبب آخر

انسى البيزنس دلوقتي… فكر في نفسك لثوان

هو انت ليه مش من حقك تتبسط؟ علشان ماعندكش رؤية

بالزمة ده كلام

السؤال بتاع “هعمل بيها إيه؟” سؤال قاتل بيعطل أحلام كتير وبيحرمك من أبسط حقوقك في السعادة المجردة من أي هموم أو رؤى مستقبلية

من خبرتي أقدر أقولك إن موضوع الرؤية ده هو أكبرعقبة بتحول ما بين الناس وقلبها وبتمنع ناس كتير إنها تسمع لقلبها وتكتشف شغفها. لأن دايما العقل بيتدخل بالخوف من المجهول أو بكل الأسباب الممكنة اللي بتخلي السعي ورا شغفك شئ مستحيل أو مجنون
 
علشان كدة بدعوك إنك تفتح قلبك وتسمعله وتكتشف شغفك وتأكد إن أيا كان شغفك إيه
Passion To Profit System
هيساعدك تحوله لمشروع ناجح

٢.

الغاية والرسالة

في بعض الناس مش شايف ان شغفه ليه فايدة للناس فبيقى محتار هل هو ده فعلا شغفي ولا لازم يكون

حاجة ذات قيمة للناس

أنا هنا دايما بدرب المثل بلقائي مع عمر سمرة المغامر المصري الشهير اللي كان أول مصري يتسلق قمة جبل افرست

الراجل ده قعد ١٠ سنين بيعافر علشان يحقق حلمه ويتسلق افرست. لو فكرت كدة ايه فايدة اللي بيعمله ده للناس … ولا حاجة … هيفيد الناس بايه انه يطلع جبل

بس تعالى بقى شوف بعد ما طلع وحقق شئ شبه مستحيل ولا يتناسب مع حالته الصحية كمريض ربو

أصبح أسطورة وكلماته في كل المؤتمرات ألهمت الآلاف انهم يحققوا أحلامهم ودلوقتي هو بيقوم بمغامرات تانية كتير وفتح شركة اسمها
Wild Guanabana
علشان يعمل رحلات فيها مغامرة تساعد الناس انها تغير حياتها وتكتشف ذاتها من جديد وبيعمل أعمال تطوعية كتيرة جدا

تفجرت قيمته لما حقق حلمه

متفكرش في قيمة شغفك ايه. لما تحقق حلمك وتسعى ورا شغفك القيمة هتظهر لوحدها

لأن لو فكرت بمنتهى البساطة هتلاقي ان لما شغفك يتحول لمشروع أكيد هيكون ليه فايدة للناس. لأن لا يمكن أي مشروع ينجح إلا إذا كان بيقدم فايدة للناس

اسعى واستمتع بشغفك وكفاها قيمة للبشر الابتسامة اللي هتكون على وشك والالهام اللي هتديهلهم انهم يعيشوا بشغف هما كمان

٣.

التجارب السابقة

من الحاجات اللي بتخليك متردد ومش متأكد من شغفك هو انك مارسته زمان بطريقة غلط تسببت انه اختلط بمشاعر وتجارب سلبية كتير

زي مثلا مارسته في بيئة عمل كانت سامة وغير صحية أو محفزة

أو مارسته بطريقة غلط خنقتك. زي مثلا لو انت بتحب الرسم وحد نصحك انك تدي كورس رسم وانت اصلا مش بتحب التدريس وبتحب أكتر تمسك الفرشة وترسم وتلون. بس قولت تجرب وكانت تجربة سيئة للغاية

أكيد الشغف لو مارسته بشكل مش مناسب ليك هيحصل كدة وأكتر

ممكن كمان تكون مارست شغفك بشكل روتيني من غير تجديد أو تطوير فمع الوقت ملليت منه. وده شئ طبيعي بيحصل مع أي حاجة في الدنيا بتعملها بشكل روتيني

افصل ما بين احساسك لما بتمارس شغفك وقد ايه بتكون مستمتع ومستغرق في الحالة وفي قمة سعادتك و بين الظروف الغلط اللي مارست بيها شغفك في الماضي

في منظومة
Passion To Profit System
هتعلم ازاي تمارس شغفك صح علشان يكبر وينمو بشكل سليم وتزيد متعته طول ما انت ماشي في رحلتك

٤.

تعدد الشغف

أنا كنت زيك محتار بين شغفي للشطرنج أو التحفيز فترة طويلة

في الحقيقة أنا فضلت متردد حوالي ٥ سنين

بين مجالين بحبهم بنفس الدرجة … يعني كان ممكن ابدأ بأي واحد وخلاص. بس ازاي بقى … أومال الواحد يعيش ازاي من غير ما يعكنن على نفسه

وبص بقى الذكاء…

لما قررت اركز على التحفيز الأول أهملت الشطرنج تماما لدرجة اني نسيته خالص لمدة ١٠ سنين تقريبا

طب ما كان ممكن يبقى هواية… لكن ازاي بقى. ليه تتبسط أكتر لما ممكن تتبسط أقل

ناس كتير عندها اكتر من مجال بتحبه او بتغير كتير مبتقدرش تركز في مجال واحد فترة طويلة

أولا ده شئ صحي جدا ان يكون عندك أكتر من حاجة بتحبها بنفس الدرجة … وحط خط على نفس الدرجة… لأن لو قادر ترتب يبقى انت تشتغل علي الشغف الأكبر بدون تردد والباقي تمارسه كهوايات جنبه

لما يكون عندك أكتر من شغف عندك ٣ حلول

انك تجربهم وتشوف اكتر مجال شدك ايه
انك تختار واحدة ولا داعي للحيرة المبالغ فيها اللي أنا وقعت فيها
انك تدمج ما بينهم وده محتاج شوية ابداع علشان تقدر تشوف ازاي ممكن تدمج المجالات وتطلع بحاجة واحدة أو تلاقي مجال جاهز بيدمج ما بين كذا حاجة وتتعلمه. زي مثلا دلوقتي الزومبا مشهورة جدا وبتدمج بين الموسيقى والرقص واللياقة

الحل السحري والجذري اللي اكتشفته انك لما تكون شاكك في مجال انه شغفك اكتب قصته

اكتب بدأ في حياتك ازاي واتطور ازاي ووصل لفين واي التحديات اللي واجهتها وايه الانجازات اللي عملتها في زمان … الخ

القصة اللي هتلاقيها قريبة لقلبك وحاسس انها بتعبر عنك ونفسك تكملها يبقى هي مؤشر كبير على شغفك

وخلينا نفكر ببساطة

انت دلوقتي مشكلتك الكبرى هي انك بتشتغل حاجة ما بتحبهاش وبتفكر كل يوم تستقيل علشان خلال جبت آخرك من ضغط الشغل أو تسلط مديرك أو الوظيفة أقل كتير من طموحك أو المرتب القليل … إلخ

والحل الأمثل انك تبدأ مروشعك الخاص ولو حتى جنب شغلك الحالي علشان تبقى حر نفسك وسيد قرارك ومتبقاش خايف على مستقبلك

طيب يبقى العقل بيقول انك هتخسر كتير لو فضلت محتار ما بين كذا حاجة بتحبها

الذكاء يقتضي انك تكون سريع القرار وتحدد الشغف اللي ممكن تبدأ بيه وتتقن منظمومة

Passion To Profit
وقدرتك على تطبيق خطواتها لبناء مشروع ناجح

وياسيدي بعد كدة عاوز تبدأ مشروع تاني في مجال تاني لما تتوافر ليك الموارد مافيش أي مانع

القصة كلها في وفرة الموارد

لو عندك وقت وفلوس ومجهود كفاية انك تسعى في اكتر من مجال في نفس الوقت اعمل كدة. بس في الواقع ده صعب جدا جنب الوظيفة

علشان كدة لازم تحسم حيرتك بشكل سريع علشان تركز في الرحلة الأهم وهي بناء مشروع ناجح في مجال بتتبسط وتقدر تبدع فيه

في
Passion To Profit System

هتعمل تمرين سهل جدا سميته
The Passion Menu Method®

وده يعتبر أسهل وأسرع تمرين في العالم هيساعدك تكتشف شغفك في أقل من ٧ دقائق

الخطوة التانية في منظومة

Passion To Profit System
هي الممارسة

The Practice Phase

في الخطوة دي هتطبق طريقة سميتها
The 30-Minute Startup®

وهي مكونة من ٤ استراتجيات هتشتغل عليهم نصف ساعة فقط كل اليوم هتخليك تبدأ تمارس شغفك فورا وتستمتع بيه لأقصى درجة … ومن غير ما تحس هتكون في نفس الوقت بتبني أساس قوي جدا للمشروع بتاعك وهتقدر تدرس السوق كويس جدا وتشوف كل الفرص المتاحة للنجاح في المجال

الاستراتيجيات الأربعة دول هم

١.

شبكة العلاقات

لازم تبدأ تدخل الوسط وتتعرف على ناس بتشاركك نفس الشغف وكمان تتعرف على ناس ناجحة في المجال وتخليهم يؤمنوا بيك وبحلمك ويكون عندهم استعداد يساعدوك بحب واخلاص

متقلقش الموضوع مش صعب زي ما انت متخيل حتى لو كنت انطوائي زي حالالتي. بالعكس بقى الانطوائيين هما اكثر الناس اللي بتقدر تعمل علاقات ناجحة. صحيح علاقاتهم قليلة ولكنها عميقة جدا

٢.

التعلم السريع

أخطر حاجة انك تفضل تتعلم وتصرف كل اللي وراك واللي قدامك في كورسات وبعدين دبلومات وبعدين ماجستير وبعدين دكتوراة وماتعملش بكل ده حاجة

تفضل تتعلم بس

صحيح انت شغوف بالمجال وعاوز تتعلم كل كبيرة وصغيرة بس مين قال انك هتوقف تعليم

للأسف احنا اتعودنا على نظام غلط جدا وهو انك تتعلم وبعدين تشتغل

في الحقيقة انت محتاج تتعلم الأساسيات والمواضيع المطلوبة والجديدة في مجالك وتبدأ تشتغل علطول على مشروعك وطول عمرك هتفضل تسعى انك تتعلم كل جديد

مافيش حد ناجح بيبطل يتعلم. لو وقفت تعليم يبقى وقفت فرص نموك ومعدلات نجاحك فورا

٣.

البث والانتشار

لازم تبدأ تخلق قناة تنشر فيها محتوى خاص بمجال شغفك علشان تجذب الناس وتخليها تشوف قيمته وتستمتع بيه معاك. وكمان تبدأ تسمع رأيهم في المحتوى اللي انت بتعرضه. الحاجة اللي هتلاقيها بتجذبهم جدا يبقى دي علامة مهمة لفرصة مشروع ناجح

القناة دي ممكن تكون ببساطة صفحة على
Facebook

المهم تتطلع وتبحث عن معلومات قيمة وتنشرها وتشوف أرقى ما وصل ليه العالم في مجالك ولما تنشر تشوف ردود أفعال الناس ايه

٤.

التوفير

انت محتاج تحوش من ٦ شهور لسنة من مصاريفك قبل ما تسيب الشغل

علشان لا قدر الله لو حصل أي خطأ في حساباتك أو الظروف حصل فيها أي متغيرات تقدر تعيش وتصرف على نفسك وبيتك وتسد كل التزاماتك لمدة ٦ شهور على الأقل

الطريقة اللي بننصح بيها في منظومة

Passion To Profit
واللي هتساعدك مش بس توفر لكن كمان تستمتع بحياتك بشكل غير مسبوق هي اتقان فن البساطة

خد بالك ... البساطة مش التقشف

يعني تعرف ازاي تستمتع بحياتك باقل الاحتياجات والتكاليف

الخطوة الثالثة في منظومة
Passion To Profit
هي توظيف شغفك

Positioning Phase

في المرحلة دي بتجاوب على سؤال مهم جدا جدا بسميه
The Blue Hole Question®

انت عارف ان منطقة البلو هول في دهب دي أعمق وأخطر منطقة غطس في العالم. مات فيها حوالي ١٣٠ شخص أو أكثر بدون أي سبب واضح

السؤال ده رغم بساطته لكنه خطير لأنك لو مجاوبتش عليه صح مش هتقدر تبدأ مشروع ناجح

السؤال بيقول

”مين … هيدفعلي … مقابل ايه؟“

لازم تجاوب على التلات أجزاء دول لأنهم هيساعدوك تبدأ مشروع تتميز بيه وتتفوق تماما على أي منافسة موجودة في السوق وتقدر تظهر بوضوح نقاط تميزك وتحدد استراتيجية نجاح مشروعك. لأنك هتوظف شغفك بشكل فيه فايدة كبيرة جدا لشريحة محددة للناس وهكون الشخص المفضل بالنسبة للناس انهم يتعاملوا معاك دونا عن أي منافس تاني

الخطوة الأخيرة في منظومة

Passion To Profit
هي الربح

The Profit Phase

في الخطوة دي هتتقن مهارات التاجر لو تفتكر … عن طريق معادلة سميتها
The Minimal Business Formula®

فكرة الـ

Minimalism
تكمن في انك ترجع الشئ لأصوله الأساسية اللي لا يمكن الاستغناء عنها

وبالتالي هتقدر من خلالها تبدأ مشروعك بأقل تكالف ممكنة وبمعدلات نجاح ونمو كبيرة

مشروع
Chess Your Child
بدأ بتكلفة ٣،٥٠٠ جنيه فقط لاغير

انت كمان تقدر تبدأ مشروعك بأقل التكاليف وبصورة بسيطة ولكن فعالة عن طريق ايجاد المنتج أو الخدمة المناسبة ثم احتراف طريقة التسويق والبيع الفعالة والناجحة

طبعا الموضوع فيه تفاصيل أكتر من كدة بكتير بس أنا حاولت على قد ما أقدر اشرحلك الصورة بشكل شامل علشان تقدر تبدأ وتسعى في تحقيق حلمك

لو عاوز تدرس المنظومة بشكل أعمق وكامل وتنضم لمجتمعنا الاستثنائي اللي هتقابل فيه ناس مليانة شغف وحلم ورغبة في مساعدة الغير هقولك تعمل ايه بس في الأول خليني أقولك حاجة مهمة

احنا فخورين بكل قصة نجاح خرجت من
Passion To Profit
ممكن تسمع قصص بعضهم من خلال
Passion To Profit Podcast

أو تشوف فيدوهات صورناها مع بعضهم، أو تتابع تعليقات الناس اللي درست المنظومة كاملة وتأثيرها عليهم وعلى حياتهم على الموقع أو صفحتي على الـ
Facebook

لكن في قصة نجاح واحدة عاوز اقولك عليها من وسط كل قصص النجاح دي لأنها قصة أقرب لمعجزة

القصة دي هي

سهير شغفها فن يدوي بسيط جدا اسمه
Patchwork

مبدئيا

سهير حضرت تاني دورة اتعملت لـ

Passion To Profit

في ٢٠١٢

يعني في البدايات خالص ايام ماكنش في أي دليل ان المنظومة دي بتنجح على الأرض مع كل الناس بمختلف أنواع الشغف اللي موجودة. قصتي فقط كانت هي الدليل على أساس ان المنظومة دي ابتكرتها من واقع تجربتي

ثانيا: الدورة لم تكن موجهة للفئة العمرية دي على الإطلاق. احنا عادة بنستهدف شريحة الشباب

ثالثا: سهير كطاقة ومجهود أكيد مش زي الشباب

رابعا: لو هنتكلم عن الطموح أكيد لو عطلت في النص ممكن تيأس بسهولة وتقول اللي جاي مش قد اللي فات أنا هتعب نفسي وأحاول تاني ليه

خامسا: سهير كان عندها مشكلة كبيرة في اللغة الانجليزية وبالتالي تحدي كبير في المصادر اللي ممكن تتعلم منها أو تسوق من خلالها شغلها

سادسا: معندهاش أدنى فكرة عن البيزنس أو التكنولوجيا الحديثة أو مواقع التواصل الاجتماعي

سابعا: وأخيرا كل حرف بيتقال في منهج
Passion To Profit
بالنسبالها الطبيعي انه يكون طلاسم وشفرات

لكن رغم كل ده سهير سلامة اصبحت قصة نجاح لامثيل لها

عملت اسم كبير جدا في السوق وعليها وعلى منتجاتها طلب كبير لدرجة انها بدأت تعلم الفن ده للسيدات علشان يساعدوها وعملت حتى الآن ما يقرب من ١٣ دورة لتعليم السيدات فن الباتشوورك في مركز مشكاة

والقناة الفضائية المصرية وقناة دريم عملوا تقريرين عن قصة نجاحها. واتكلمت في كذا مؤتمر لتحفيز ودعم المرأة على ريادة الأعمال

وبتعرض شغلها في معارض كبيرة ومشهورة

ممكن تتابع صفحتها على الـ
Facebook
اسمها
Sue’s Patchwork In Egypt

والله معجزة

أنا متأكد ان ربنا بعتها لمجتمع
Passion To Profit

علشان تكون منارة ومصدر الهام لأي شخص يظن انه مايقدرش وان عنده تحديات أو يفتكر ان في المنظومة حاجات صعبة مايقدرش يطبقها … بس يفتكر سهير سلامة ويقول لنفسه ... عيب

اذا كان سيدة بهذه الروعة ورغم كل التحديات اللي كانت عندها قدرت تنجح وتبني مشروعها ده من الصفر في خلال سنة فقط يبقى انت بقى ممكن تعمل ايه

في حاجة أخيرة عاوز اشرحهالك قبل ما أقولك ازاي تدرس منظومة
Passion To Profit

علشان تبدأ تحقق حلمك وتحول شغفك لمشروع ناجح تقدر من خلاله تبدع ويكون دخلك أكبر وأثرك أكبر

أكبر تحدي بيواجه أي شخص في رحلة دراسته لأي شئ هي التطبيق

أثناء رحلتك هتحتاج ٣ حاجات مهمين

١.

التحفيز المستمر علشان ما تقفش في النص

٢.

هتحتاج تستشير وتلاقي توجيه انت ماشي صح ولا غلط واذا خرجت برة الطريق تلاقي حد يرجعك على الطريق الصح تاني

٣.

محتاج متابعة دورية علشان تبقى ملتزم بتنفيذ الخطوات لأن في حد هيسألك انت واقف فين وفاضلك ايه

الكلام اللي اتعلمته لو مطبقتوش مش هيكون ليه قيمة

بس انا مش هرمي المسؤولية عليك زي الناس التانية واقولك ما على الرسول الا البلاغ

نسيوا باقي الجملة

ما على الرسول الا البلاغ المبين

علشان كدة مش هنقف بس عند المعلومة لأ ده احنا كمان خلقنا البيئة الداعمة اللي هتقف في ضهرك طول رحلتك وتساعدك تطبق كل كلمة هتتعلمها لحد ما تحقق هدفك

المجتمع الاستثنائي اللي هتقابل فيه ناس هتلاقي معاهم كل التحفير والتوجيه والمتابعة والدعم اللي انت محتاجه طول رحلتك

المجتمع ده بيرسخ لفكرة احنا مؤمنين بيها جدا اسمها

ناس تكون في ضهر بعض على قلب رجل واحد لغاية ما كل واحد يحقق هدفه

فكرة العزوة تكمن أهميتها في مواجهة الموجة العارمة في عالم التنمية البشرية اللي بتفضل تنفخ فيك تقولك انك كلك معجزات وانك تقدر تحقق لوحدك المستحيل بايمانك ويقينك وعزيمتك وانك أقوى من أي ظروف وأقوى من أي محبطين وسلبيين حواليك

نفسي أعرف جابوا منين الفكر ده

ده لو حابينا نشوف على أرض الواقع نوعية الناس اللي مش محتاجة دعم بشر هنلاقي نظريا هم الأنبياء

بس في الواقع ربنا سن سنة ان كل نبي كان معاه صحبة …

سيدنا محمد كان معاة الصحابة
سيدنا عيسى كان معاه الحواريين
سيدنا موسى كان معاه هارون

مافيش حد لوحده يقد يحقق حاجة

لازم العزوة

دي صورة من المؤتمر السنوي الرابع …

كل سنة بنعمل مؤتمر كبير بنكرم فيه قصص النجاح اللي حصلت على مدار السنة وبيكون ملهم لدرجة لا يمكن تتخيلها الا لما تشوفها بعينك

تخيل نفسك وسط الناس دول

حاجة تخليك تحس بالفخر والانتماء لناس مبهجة عندها حلم وعاوزة تسيب بصمة في الحياة. حاجة تخليك تحس بالضهر والسند وانك عمرك ما هتفشل وناس زي دي واقفة في ضهرك وبتدعمك

خليني بقى أقولك ازاي تدرس منظومة
Passion To Profit
وتنضم لهذا الحلم اللي من خلاله هنغير حال الموظفين في العالم كله. وتكون قصج نجاح جديدة نفتخر بيها

في الكورس ده هتحصل على ٤ حاجات

١.

فيدوهات مسجلة بشرحلك فيها منظومة

Passion To Profit
بالكامل في حوالي ٦ ساعات

٢.

Course Slides (PDF)

علشان تسجل أفكارك وتتابع بسهولة وانت بتتفرج على الفيديوهات

٣.

Passion To Profit Checklist (PDF)

قائمة مهام
Passion To Profit System
اللي بتلخص كل الخطوات اللي عليك القيام بيها بسهولة علشان تحول شغفك لمشروع ناجح

٤.

انضمام للجروب المغلق الخاص بينا على الـ
Facebook

على الجروب ده هتقدر تشاركنا انجازاتك وتسأل أي سؤال أو تطلب أي مساعدة وهتلاقي الرد من الأعضاء في خلال دقايق

وتقدر كمان لما تطلق مشروعك ان شاء الله تعلن عنه في
Post
بنحطه كل يوم خميس تقدر تحط اعلانك في تعليق عليه

و لو حابب بعد كدة تشترك في الاجتماعات الدورية اللي بنعملها مرتين في الشهر علشان تتقابل على أرض الواقع مع أعضاء

Passion To Profit Club

ممكن تتواصل مع فريق

Passion Point

للتفاصيل

علشان كدة عاوز اقدملك بعض الهدايا الإضافية أتمنى تقبلها مني

١. نسخة من كتابي
The Pharaohs’ Code (PDF)
الكتاب التحفيزي الأكثر مبيعا على موقع أمازون عام ٢٠٠٩

٢. نسخة من كتابي
StoryNetworking (PDF)
اللي هتتعلم منه نظام من ٤ خطوات تقدر بسهولة تبني علاقات قوية مع ناس ناجحين في مجالك وتخليهم متحمسين انهم يوجهوك ويدعموك

٣. نسخة من كتابي
Midway Simplicity (PDF)
هتتعلم فيه فن الحياة ببساطة وازاي تستمتع بحياتك باقل التكاليف والاحتياجات بحيث تقدر توفر وقت وفلوس ومجهود تستثمرهم في تنمية شغفك

٤. نسخة من كتابي
Perk Up Your Profits (PDF)
اللي هيساعدك لما تطلق مشروعك تكون وتدير فريق عمل على أعلى مستوى من الكفاءة والشغف وازاي ده بينعكس على انتاجيتهم وبالتالي ارباح شركتك

٥. نسخة من روايتي الجديدة
الأسطورة سبعة (PDF)
الرواية اللي بتجسد مبادئ منظومة

Passion To Profit
واللي هتلهمك من خلال عمل درامي مشوق للغاية انك تحيي من جديد كل أحلامك المؤجلة

ولو حابب ممكن ابعتلك رواية الأسطورة سبعة بالذات كنسخة مطبوعة لغاية باب البيت عندك مجانا بدون أي مصاريف شحن داخل القاهرة. أو لو عاوز أي كتاب تاني غير الأسطورة سبعة تواصل مع فريق Passion Point

ونقدر ننسق ده معاك بسهولة

٦.

خلال شهر أغسطس هيكون في اجتماعين أونلاين بث مباشر تقدر فيهم تسألني أي سؤال خاص بالكورس أو أي شئ آخر متعلق برحلتك لتحويل شغفك لمشروع ناجح

السعر الأساسي للكورس هو
970 EGP

ولكن انت مش هتدفع الرقم ده

أولا أنا مقدر ظروف الغلاء عاملة ازاي الفترة دي، زائد اني عاوز أساعدك وأساعد أكبر عدد ممكن من الموظفين انهم يتحرروا من الواقع الأليم اللي هم عايشين فيه

علشان كدة عاوز أدي فرصة لأكبر عدد ممكن انه يشترك في الكورس من خلال

خصم

~20%

بحيث استثمارك في الكورس يكون
750 EGP
فقط بدلا من
970 EGP

يعني هتقدر توفر 220 جنيه من تمن الكورس الأساسي

العرض ده هيكون متاح من خلال كوبون الخصم الآتي
P2P20OFF

فقط اضغط على
Redeem Coupon
زي ما هو واضح في الصورة أثناء عملية الشراء أونلاين

أو اتصل بينا على 01020826426 أو 01009116074

(من ٩:٣٠ص - ٥:٠٠م كل يوم عدا الجمعة)
لمعرفة طرق الدفع الأخرى زي
فودافون كاش، تحويل بنكي، التحصيل من المنزل أو في مقر شركة

Passion Point

في مساكن شيراتون مصر الجديدة

وعلشان أنا عارف انك ممكن تكون متردد لأنك اتخدعت في وعود كتير قبل كدة أنا بضمنلك العرض ده من خلال سياسة استرجاع المال الفريدة اللي بنقدمها

لمدة ٣٠ يوم بعد اشتراكك في الكورس يا اما تلاقي منظومة فعالة وقوية وبسيطة هتساعدك تحول شغفك لمشروع ناجح تقدر من خلاله تعيش سعيد وحر نفسك باسلوبك مش باسلوب مفروض عليك أو تسترد فلوسك كاملة بدون أي شروط

أنا أهم حاجة عندي اني اطمنك واضمنلك حصولك على نتايج استثنائية من خلال تحقيق حلمك. وكمان نجاحي من نجاحك. كل قصة نجاح هي أكبر دعم ودعاية لمنظومة
Passion To Profit

فبالتالي نجاحك هو الأولوية عندي

علشان كدة أنا متأكد تماما انك هتعتبر استثمارك في
Passion To Profit Online Course
هو أفضل استثمار عملته السنة دي

يا كدة يا إما تسترد فلوسك بالكامل

والأغرب من كدة اني مش هقفل الكورس ليك لو استرديت فلوسك. هسيبهولك مفتوح لأني متأكد انك ممكن ترجعله تاني في يوم من الأيام وتكون جاهز اكتر بحيث تدرك قيمته الحقيقية وبالتالي تغير حياتك وتحقق هدفك اللي بتسعى ليه

أنا عارف انك ممكن تستغرب وتظن ان كدة ناس كتير ممكن تستغل الكلام ده وتشترك في الكورس وبعدين تطلب فلوسها تاني

بس أنا أولا بظن الخير في الناس وثانيا واثق من القيمة اللي هتحصل عليها وأخيرا أنا على استعداد لتحمل المخاطرة في مقابل اني اطمنك تماما ان مافيش أي حاجة ممكن تخسرها على الإطلاق بل بالعكس المكسب هيكون أكبر بكتير من اللي انت متصوره ان شاء الله

انت هتحصل على الآتي

١.

فيدوهات مسجلة بشرحلك فيها خلال أكثر من ٦ ساعات المنظومة المتكاملة لـ
Passion To Profit

٢.

Course Slides (PDF)

٣.

Passion To Profit Checklist (PDF)

٤. انضمامك للجروب المغلق الخاص بمجتمعنا الاستثنائي على الـ

Facebook

٥.

نسخة الكترونية من كتبي الخمسة مع امكانية توصيل نسخة من كتاب مطبوع لغاية باب بيتك مجانا دون أي مصاريف شحن داخل القاهرة

٦.

اجتماعين أونلاين بث مباشر خلال شهر أغسطس للإجابة على كل أسئلتك الخاصة بالكورس

٧.

ضمان استرداد فلوسك بالكامل في خلال ٣٠ يوم من تاريخ الاشتراك

مع الاحتفاظ بكامل المحتوى حتى بعد استرداد الفلوس

مع وجود خصم خاص ٢٠٪ من خلال كوبون الخصم الآتي
P2P20OFF
بحيث يكون استثمارك 750 جنيه فقط بدل ٩٧٠
 

فقط اضغط على
Redeem Coupon
زي ما هو واضح في الصورة أثناء عملية الشراء أونلاين

أو اتصل بينا على 01020826426 أو 01009116074

(من ٩:٣٠ص - ٥:٠٠م كل يوم عدا الجمعة)
لمعرفة طرق الدفع الأخرى زي
فودافون كاش، تحويل بنكي، التحصيل من المنزل أو في مقر شركة

Passion Point

في مساكن شيراتون مصر الجديدة

العرض ساري لأول ١٠٠ مشترك فقط

اتمنى تديلي الشرف اني اساعدك تحقق حلمك وتعيش حياتك بشغف وسعادة وحرية وتبدع في اللي انت بتقدمه وبالتالي يكون دخلك أكبر وأثرك أعظم وتكون فخور بحياتك وانجازك وأثرك الطيب

خلي شغفك شغلك

كون حر نفسك

عيش باسلوبك مش باسلوب مفروض عليك

انت تستاهل كل ده وأكتر

اشوفك جوه الكورس إن شاء الله

محمد تهامي