في داسة عملتها
Boston Consulting Group
في ٦ يونيو ٢٠١٨
أثبتت إن الشركات الناشئة اللي أصحابها سيدات بيكون عائدها أكبر من اللي أصحابها رجال برغم من حصولهم على تمويل أقل
عادة المستثمرين بيميلوا لاستثمار فلوسهم في شركات أصحابها رجالة، ولكن الدراسة دي بتقولهم إنهم بيخسروا كتير بسبب القرار ده. خصوصا إن بالأرقام، عوائد مشاريع السيدات أكتر من عوائد مشاريع الرجال بحوالي ١٠ في المية
في
Passion To Profit
بلاحظ تفاعل ملحوظ من السيدات أكتر بكتير من الرجال
مثلا، نسبة الحضور في السيمنار بتكون حوالي ٦٠٪ سيدات، مقابل ٤٠٪ رجال
والتفاعل والسعي والإلتزام والإجتهاد بيكون أكتر بكتير من قبل السيدات
وبالتالي قصص النجاح اللي بتخرج من
Passion To Profit
بتكون نسبة السيدات فيها أكتر بشكل ملحوظ عن الرجال
كمان في الفترة الأخيرة بنلاحظ زيادة كبيرة في المؤتمرات والجهات المتخصصة في دعم المرأة لريادة الأعمال
لما فكرت شوية في إيه السر ورا النتائج دي، لقيت إن السبب ببساطة يكمن في الدوافع عند الجنسين
الرجال بيكون تركيزهم الأساسي عند بدء مشروع خاص هو الفلوس… وده مفهوم بطبيعة الحال والمسؤوليات
لكن السيدات بيكون تركيزهم الأساسي على شغفهم وإنهم يستمتعوا ويثبتوا نفسهم في مجال هما بيحبوه
وأي مشروع أساسه الشغف وإنك تعمل حاجة بتحبها بتكون نسبة الإبداع فيه أكبر وبالتالي فرص نجاحه بتكون أكبر بكتير
التركيز على الشغف تلقائيا بيؤدي لربح أكبر مش بس مادي ولكن معنوي كمان
عشان كدة أنا دايما بقول إن حبك للمجال المفروض إنه يكون دايما سابق فكرة المشروع
...كل ده بيطرح تساؤل مهم
هل مستقبل ريادة الأعمال، مش بس في مصر ولكن في العالم، هيكون للسيدات؟
خلي_شغفك_شغلك#
