لو عندك بزنس وبتواجه مشكلة في إنك تلاقي عملاء بسهولة، خليني أقولك على سر خطير
التسويق مش هدفه إنك تقنع الناس بأهمية منتجك
التسويق هدفه إنك تكتشف و توجّه رغبة العميل الحالية لمنتجك أو خدمتك
السر ده اسمه
Channeling
و هو أحد أعظم أسرار التسويق المباشر
السر ده كشفه لأول مرة واحد اسمه
Eugene Schwartz
في كتابه النادر
Breakthrough Advertising
الكتاب ده مش عادي
ده واحد من أندر كتب التسويق على الإطلاق
آخر مرة شوفت نسخة "مستعملة" منه على أمازون كانت بتتباع بحوالي $400!
خليني أوضح الفكرة أكتر
ممكن الناس اللي بتحاول تبيعلهم يكونوا مش مهتمين بخدمتك لأنهم مش عارفين أهميتها
لكن أكيد عندهم مشاكل حقيقية وملحّة مربوطة بالخدمة دي
دورك في التسويق إنك تسلط الضوء على المشكلة دي علشان تلفت انتباه العميل
و لما تقدر تلمس المشكلة اللي بيواجهها، هيبدأ يسمعك
وساعتها هتقدر توجّه انتباهه للخدمة بتاعتك كحل مثالي وسهل للمشكلة دي
لكن لو حاولت تدخل عليهم مباشرة وتتكلم عن الخدمة نفسها من غير ما تتكلم عن مشكلتهم، هتواجه معركة صعبة
تخيل إنك بتحاول تبيع عصير ليمون مثلج لشخص في شتاء شديد البرودة
مهما كان عصير الليمون مفيد للمناعة وللوقاية من نزلات البرد، العميل مش هيشتريه بسهولة
لكن لو عرضت عليه سحلب سخن، البيع هيكون أسهل بكتيرلأن ده اللي هو محتاجه جدا حاليا
وفي المقابل، لو إنت في الساحل في عز الصيف، بيع عصير الليمون المثلج هيبقى أسهل بكتير من بيع سحلب سخن
السر هنا إيه؟
مش إنك تحاول تخلق رغبة في منتجك، لكن إنك توجه الرغبة الحالية والملحّة تجاه منتجك
ده جوهر استراتيجية الـ
Channeling
اتكلم عن المشكلة اللي بتواجه العميل دلوقتي
و اظهرله إزاي منتجك هو الحل الأنسب
بلاش تضيع وقت كبير ومجهود أكتر في محاولة اقناع العميل بأهمية منتج هو مش مهتم بيه
*** بدل ما تقنع، ركز على إنك توجه ***
وجه رغبة العميل الحالية تجاه منتجك، بدل ما تحاول تغير أولوياته
لو عايز تتعرف أكتر على أسرار مدرسة التسويق المباشر...
اشترك دلوقتي في برنامج
Online Marketing Masterclass
هتتعلم استراتيجيات بسيطة وفعالة تخليك تسوّق و تبيع بسهولة وذكاء
المدرسة دي نادرة جدا، وقليل اللي فاهمينها صح وبيعرفوا يطبقوها
وأنا بحمد ربنا دايما إني من المحظوظين اللي اتعلموا وطبقوا واستفادوا من الأسرار العبقرية للمدرسة دي على مدار ٢٠ سنة
اعرف المزيد و انضم لينا من خلال الموقع