كل شهر، المرتب بينزل
بتسد بيه احتياجاتك الأساسية وتستمتع ببعض الرفاهيات
وبعدين؟
الشهر يخلص … وتبدأ نفس الدورة من جديد
لكن الحقيقة إن المرتب لوحده مش كفاية علشان يخليك مستمر في شغل بيضغطك و بيستهلكك
المرتب بيغطي احتياجاتك صحيح، لكن مش بيعوضك عن الضغط و الروتين والفراغ اللي بتحسه
ليه المرتب مش كفاية؟
لإنه ببساطة بيشبع احتياجاتك المادية ولكن مش بيشبع احتياجاتك الروحية
لما بتشتغل في وظيفة مش بتحبها مش بتحس بإنجاز و مش بتحس بقيمة
حتى لو المرتب كبير ... وقتك وطاقتك أغلى من أي فلوس
لما كل تركيزك يبقى على المرتب وبس هتبقى عامل زي اللي بيجري طول الوقت لكن مش بيوصل لأي مكان
وخلي بالك ...
الوظيفة مش أمان زي زمان!
أي حاجة دلوقتي ممكن تتغير فجأة ويتم الاستغناء عن خدماتك في يوم وليلة
علشان كدة إنت محتاج حاجة تديلك أمان حقيقي
شئ بتملكه إنت ... حاجة بتبنيها لنفسك
بس الحل مش إنك تسيب وظيفتك فجأة وتبدأ مشروع كبير
الحل هو إنك تبدأ بالتوازي تبني حاجة تكون ملكك جنب شغلك
حاجة بتحبها و ليها معنى بالنسبالك
الحياة مش كلها فلوس
المعنى الحقيقي للحياة بيجي لما تحس إنك بتعمل حاجة ليها قيمة
لما تبني حاجة بتحبها و بتعبر عنك
ده مش معناه إنك تبطل تهتم بمرتبك أو مسؤولياتك
لكن معناه إنك تبدأ توازن بين الشغل اللي بتعمله علشان الفلوس … وبين الحاجة اللي بتعملها علشان نفسك
دي بعض الخطوات العملية علشان تبدأ
١. اكتشف شغفك:
إيه الحاجة اللي بتحب تعملها؟
إيه الحاجة اللي بتحس إنك بتقدر تضيف فيها للناس؟
٢. ابدأ صغير:
مش محتاج تعمل مشروع ضخم من الأول
ابدأ بفكرة صغيرة جداً جنب شغلك ... حاجة تقدر تجرب بيها وتتعلم
٣. تعلم الأساسيات:
البزنس مش معقد زي ما الناس بتظن
ببساطة اختار مشكلة عند الناس وقدم ليهم حل أفضل من الموجود
٤. استثمر وقتك:
بدل ما تقضي وقتك كله على السوشيال ميديا أو التليفزيون، استثمر جزء صغير من وقتك كل يوم في القراءة وتطوير نفسك
المرتب هيساعدك تعيش حياة كريمة ... لكن مش هيساعدك تعيش حياة عظيمة!
حياتك مش لازم تبقى كلها حوالين المرتب
ابدأ رحلة جديدة… رحلة تديلك حرية أكتر ومعنى أكبر
في برنامج
Passion To Profit®
هنساعدك تعمل ده
هتاخد خطوات بسيطة وممنهجة وتبني بزنس صغير جنب شغلك
وهنفضل معاك لحد ما تكون جاهز تاخد خطوتك الكبيرة
ابدأ النهاردة وخلّي شغفك شغلك
زور الموقع واحجز مكانك: