إجابتي كانت الصادمة على سؤال: "شايف نفسك فين بعد خمس سنين؟"
السؤال ده من أكتر الأسئلة اللي الناس بتسخر منها في المقابلات الوظيفية
والأغلب بيرد بإجابات محفوظة أو نموذجية، علشان يخلص من السؤال بسرعة
لكن الحقيقة؟
السؤال ده مش متعلق إطلاقا بكونك شخص عندك أهداف واضحة ومخطط لحياتك ولا لأ
السؤال ده بيكشف حاجة أهم بكتير
السؤال ده بيعكس إنت شايف نفسك إزاي!
معظم الناس اللي بتواجه صعوبة في تأسيس بزنس خاص بتكون مش قادرة تشوف نفسها كصاحب مشروع أصلا
مش قادر يتخيل نفسه عنده بزنس ناجح
ولا قادر يصدق إنه ممكن يحقق ده في يوم من الأيام
أنا فاكر لما اتسألت نفس السؤال ده في مقابلة وظيفية من سنين
عارف جاوبت بإيه؟
"شايف نفسي عندي بزنس خاص وناجح"
الإجابة كانت صادمة بالنسبالهم
بس اللي حصل بعدها كان أغرب
رغم إن إجابتي معناها إني مش هكمل معاهم، إلا إنهم قبلوني في الوظيفة
يمكن شافوا شخص عنده طموح، وأكيد هيضيف ليهم في الوقت اللي هيقضيه معاهم
لكن الحكاية ما خلصتش هنا
بعد فترة، مديرتي قدمت استقالتها واتفتح باب التقديم لمنصب المدير
قدّمت على المنصب، ووصلت للمرحلة النهائية في الاختيار
كنت مرشح قوي جدا، لكن ما تمش اختياري
إيه السبب؟
الإدارة بلغوني بصراحة:
"إنت شخص هايل، بس إحنا مش ضامنين إنك هتكمل معانا. عارفين إنك عندك شغف لحاجة تانية وعاوز تبدأ بزنس خاص بيك"
بصراحة ما زعلتش خالص
قلت الحمد لله، يمكن لو كنت اتقبلت، كنت اتلهيت عن حلمي الأساسي
أنا كنت شايف نفسي طول الوقت رائد أعمال ناجح، مش موظف
نظرتك لنفسك هي اللي بتصنع كل الفرق في حياتك
لو شايف نفسك ضعيف أو عادي، هتفضل مكانك
لكن لو شايف نفسك قوي وعندك إمكانيات، هتقدر تحقق أي حلم مهما كان صعب
برنامج
Passion to Profit
فيه ميزة عظيمة جدا بتساعدك تعزز نظرتك وثقتك بنفسك
عندنا مقابلات أسبوعية مع قصص نجاح لناس اتخرجوا من البرنامج
ناس زيك بالظبط، ويمكن ظروفهم كانت أصعب، بس قدروا يحققوا نجاح كبير من خلال نفس البرنامج اللي إنت مشترك فيه
فلما تسمع قصصهم هتحس إنك تقدر تعمل زيهم، ويمكن أكتر
حاليا، على منصة المشتركين، فيه ٥٥ لقاء مسجل مع قصص نجاح
كل قصة منهم بتديك دفعة جديدة من الإلهام والثقة
وكل أسبوع، فيه لقاء مباشر مع قصة نجاح جديدة، تقدر تحضرها وتسأل وتشارك وتتعلم مباشرة من الضيف
ابدأ النهارده، وحاوط نفسك بناس بتشاركك نفس الحلم والطموح
ناس هتؤمن بيك أكتر ما بتؤمن بنفسك دلوقتي
لحد ما تصدق إنك فعلا تقدر، وتكون قصة نجاح جديدة نفتخر بيها كلنا
ابدأ رحلتك هنا:
👇👇👇