خليني أقولك على حاجة مهمة معظم الناس اللي عندها بزنس أو اللي عاوزة تعمل بزنس مش بتاخد بالها منها
التسويق مش مجرد جزء من البزنس
التسويق هو البزنس نفسه
معظم الناس اللي بيعملوا بزنس قائم على شغفهم بيركزوا على المنتج
ليه؟
لإن المنتج هو اللي بيعبر عن شغفهم
هو الحاجة اللي بيحبوها وبيستمتعوا بتقديمها للناس
لكن التسويق؟
ده بالنسبة لمعظمهم حاجة بعيدة تماما عن خبرتهم
حاجة بالنسبالهم مش مفهومة و معقدة، فبيتجهوا للحل السريع:
"خليني أدوّر على شركة تسويق وأدي العيش لخبّازه”
بس لما بتعمل كده، إنت بالظبط زي اللي بيقول لحد:
"اعمل بزنس و تبنى فيه موهبتي”!!
إنت بتدي الجزء الأهم في البزنس لحد غريب عن حلمك وشغفك
التسويق هو البزنس لسبب بسيط جدا:
التسويق هو اللي بيجاوب على كل الأسئلة الأساسية في مشروعك
زي إيه؟
1. إيه السوق اللي هتشتغل فيه؟
2. وإيه التغيرات اللي بتحصل فيه حاليا؟
3. مين العملاء اللي عايز تخدمهم؟
4. إيه المشكلة أو الاحتياج اللي عندهم؟
5. إيه البدائل اللي بيدفعوا فيها فلوس دلوقتي علشان يحلوا المشكلة؟
6. إزاي منتجك هيكون مميز عن البدائل دي؟
وبعد ما تجاوب على الأسئلة دي، التسويق هو اللي بيخليك:
* تختبر فكرتك مع عملاء حقيقيين.
* تصمم نموذج أولي بأقل تكلفة.
* تكتب رسالة إعلانية تقنع الناس.
* توصل الرسالة دي للعملاء بطرق فعالة.
* تتعلم من آراء العملاء وتطور منتجك.
* تعمل منتجات أخرى لتلبية إحتياجات العملاء
شركة تسويق إيه اللي هتعملك كل الكلام ده؟!
لو مش هتعمل ده بنفسك، إنت مش بتعمل بزنس
إنت مجرد واحد هاوي بيصنع منتج
بس البزنس حاجة تانية خالص
كتير من الناس بيرتكبوا نفس الخطأ:
بيعملوا المنتج اللي في دماغهم بدون ما يكونوا فاهمين تسويق
وبعدها بيشتكوا إن الناس مش بتشتري
ده طبيعي جدا
لأنهم ماعملوش الأساسيات اللي بتحول الشغف و فكرة المنتج لبزنس ناجح
بس أنا عندي خبر حلو
التسويق مش حاجة معقدة زي ما إنت متخيل
خصوصا لو اتعلمت مدرسة التسويق المباشر
بحمد ربنا إني واحد من القلائل اللي فاهمين المدرسة دي صح على مستوى العالم!
لإني درست على إيدين أساطير المدرسة دي و طبقت أسرارها المذهلة على مدار ٢٠ سنة!
وفي برنامج �Passion To Profit�بتبني مشروعك بفلسفة التسويق المباشر
وإنت ماشي على خطوات السيستم العملية خطوة ورا التانية، هتلاقي نفسك بتتعلم وتطبق الأساسيات من غير ما تحس إنك بتتعلم "تسويق"
والنتيجة؟
بزنس متأسس صح
بزنس مبني على شغفك وقادر يحقق أرباح مستدامة