أكتر درس غيّر حياتي هو: الحركة بركة
دايما كنت مؤمن بحاجة واحدة
مهما كانت الظروف، مش هقف متكتف
حتى لو مش عارف أعمل حاجة كبيرة، كنت بحاول أعمل حاجة صغيرة
حتى لو كانت خطوة بسيطة، كنت متأكد إن الحركة هي اللي بتصنع الفارق
للأسف، معظم الناس اللي أعرفها عايشين في حالة شلل فكري
محبوسين جوة أفكارهم، تساؤلاتهم، وترددهم
مش بيعملوا أي خطوة، وبيفضلوا يشتكوا من الظروف
وأسوأ حاجة لما تسألهم:
�“طيب إنت بتعمل إيه علشان تتغير؟”
تلاقي الإجابة: "ما الظروف ما بتساعدش”
أنا ماعنديش مشكلة إنك مش عاوز تعمل حاجة
لكن عندي مشكلة كبيرة لما تفضل تشتكي بدون ما تتحرك
لو عايش في شكوى مستمرة، إنت بتضيع وقتك وأحلامك
ابدأ بأي حاجة بسيطة. حتى لو في الاتجاه الغلط
حتى لو مش عارف الخطوة الجاية كاملة، اتحرك خطوة واحدة بس
الحركة هي اللي بتفتح أبواب جديدة في حياتك
الحركة هي اللي بتجيب الفرص
بحكم شغلي بشوف ناس كتير بقالهم سنين بيحلموا يبدأوا بزنس جنب شغلهم
لكن دايما عندهم نفس الأعذار: �"مافيش وقت... ما عنديش الإمكانيات... مش هقدر"
وفي نفس الوقت، بشوف ناس بتبدأ بأبسط الإمكانيات في وسط ظروف قاسية جدا وبتقدر تحقق إنجازات مذهلة��السر بسيط جدا:
“إياك تفضل واقف مكانك”