في البداية، النجاح بيحسسك إنك وصلت
حققت هدفك، شفت النتيجة اللي كنت بتحلم بيها، وسمعت الناس بتتكلم عنك
لكن الحقيقة...
النجاح هو مجرد اختبار جديد، واختبار أصعب كمان
بعد حوالي 3 سنين من نجاح برنامج
Passion to Profit
(اللي عمره دلوقتي ١٢ سنة)
... كنت عايش فرحة النجاح
البرنامج دايما كان بيتملي بالكامل
والقصص اللي اتخرجت منه كانت ملهمة جدا
كنت حاسس إنني ماشي في الاتجاه الصح
لحد ما جالي دعوة لتقديم تدريب في مكان جديد في المعادي
طبعا تحمست وقبلت الدعوة
لكن يوم التدريب، حصلت المفاجأة
عدد الحضور كان 4 أفراد بس!
واحد لوحده، وثلاثة من نفس العيلة، واتأخروا حوالي نص ساعة
لدرجة إني بدأت التدريب مع شخص واحد بس
وقتها حسيت إن ده اختبار خطير
هل ألغي التدريب وأقول لنفسي:
"أنا اسمي كبير، وسمعتي ما ترضاش بالحضور القليل ده"
"ولا أكمل التدريب وأوصل رسالتي حتى لو لشخص واحد بس؟"
الحمد لله، قررت أكمل
مش علشان العدد، لكن علشان ده كان جزء من رسالتي
إني أقدم أفضل ما عندي لأي حد محتاج يتعلم
خلصت التدريب، وما توقعتش إن الموضوع هيكون له أي تأثير كبير
لكن اللي حصل بعدها كان مفاجأة حقيقية!
الأسرة اللي حضرت التدريب طبقت الخطوات اللي اتعلمتها
وبعد سنة، أسسوا مركز تدريب في 6 أكتوبر
مش بس كده، لكن دعوني أكتر من مرة أقدم تدريبات هناك، وكانت شراكة مميزة معاهم
وقتها أدركت درس مهم جدا:
الرزق مش بيعتمد على توقعاتك
أحيانا الرزق بييجي من أماكن ما تخطرش على بالك
إنت بتاخد بالأسباب، لكن النتيجة بتكون دايما أكبر وأبعد مما تتخيل
النجاح الحقيقي مش في الأرباح
النجاح في إنك تقدم رسالتك حتى لو لشخص واحد
الشخص ده ممكن يكون نقطة البداية لشيء أعظم مما كنت متصور
ماتخليش نجاحك يغرك
وماتربطش قيمتك بعدد الأشخاص اللي بتوصلهم
قدم أفضل ما عندك دايما
واستنى الرزق ييجي من حيث لا تحتسب
و لو وصلت لنجاح كبير، افتكر إن النجاح اختبار
اختبار لإيمانك برسالتك، وثقتك في إن الجهد اللي بتبذله دايما له معنى
... حتى لو النتيجة مش واضحة دلوقتي!
لو بقالك في وظيفة ما يقرب من ١٠ سنين و مهتم تبني كيان خاص بيك في مجال إنت بتحبه، احجز مكانك من هنا