ناس كتير بتبقى عاوزة ضمان إن البزنس أو فكرة المشروع هتنجح
وده طبيعي، لإنك هتسيب وظيفة مستقر فيها بقالك سنين
لكن الحقيقة هي إن مافيش حاجة في الدنيا اسمها ضمانات
بس لحظة واحدة...
في حاجة تانية أهم بكتير من الضمانات
حاجة لو ركزت عليها، ثقتك في نفسك هتزيد، ونسبة نجاحك هتكبر
الحاجة دي هي:
مهارة الحصول على عملاء
سميها تسويق، مبيعات، أو حتى إقناع
المهم إنها بتدور حوالين سؤال واحد:
"إزاي تقنع حد إنه يشتري منك؟"
طبعا أول فكرة هتيجي في بالك هي:
"طيب أنا هروح آخد كورس تسويق و أتعلمه كويس."
كلام جميل
بس سؤال:
هل الطبيب اللي بيتخرج من كلية الطب بعد 7 سنين يقدر يدخل غرفة العمليات ويعمل عملية؟
أكيد لأ
العلم لوحده مش كفاية
التطبيق العملي هو اللي بيخليك تتعلم، وتغلط، وتصحح، لحد ما توصل
علشان كده، لو عاوز فعلا تنمي مهارة الحصول على عملاء، الحل هو:
ابدأ بزنس جانبي جنب وظيفتك
مشروع صغير
بفكرة بسيطة
إنت مش محتاج أفكارك الجامحة دلوقتي
قدم حاجة صغيرة، لكن مميزة و مقدمة بشغف
واستخدم المشروع ده كتمرين عملي على التسويق وإقناع العملاء
إيه الميزة؟
مافيش مخاطرة، لإنك لسة في وظيفتك
رأس المال صغير، حتى لو خسرته كله، مش نهاية العالم
بتتعلم عملي، مش مجرد نظري من كورس أو كتاب
والأهم من ده كله؟
بتعمل حاجة بتحبها
البزنس الجانبي هيجدد حياتك
و هيخلي عندك أمل ورسالة
أنا شخصيا عمري ما كنت هقدر أسيب وظيفتي وأبدأ مشروعي الخاص من غير البزنس الجانبي
البزنس ده هو اللي خلاني أنمي المهارة الأهم في حياتي:
"إني أعرف أعمل منتج و أوصله للناس اللي محتاجينه وأقنعهم يشتروا"
لو عندك المهارة دي، هيبقى عندك تحكم كبير في مستقبلك المادي والمهني باذن الله
لو بقالك في وظيفة ما يقرب من ١٠ سنين و مهتم تبني كيان خاص بيك في مجال إنت بتحبه، احجز مكانك من هنا