"المشروع كان ماشي زي الفل وكنت بكسب كويس جدا ... مش عارف إيه اللي حصل؟!"
--
في ناس كتير بتفتكر إن قفل البزنس معناه إنك فشلت
لكن الحقيقة عكس كده تماما
إن مشروعك يقفل بسبب تغييرات جذرية في السوق ده أمر لا يعيبك على الإطلاق
والأهم من ده إنه مش نهاية العالم
السوق بطبيعته متغير
ولو طبيعة مشروعك مش هتقدر تتواكب مع التغيرات دي بسرعة، الأفضل تقفل بدري
ليه؟
علشان تحمي نفسك من تعظيم الخساير
وتبدأ بسرعة بزنس جديد يتماشى مع متغيرات السوق
قواعد البزنس واحدة
لو نجحت مرة تقدر تنجح ألف مرة
لإنك عارف الطريق
وعندك المهارات والفكر اللي هيخليك تعيد التجربة بنجاح أكبر
لكن على الجانب الآخر ...
إيه اللي هيحصل لو الوظيفة بتاعتك راحت؟
خصوصا بعد الأربعين؟
دي مشكلة كبيرة جدا، لإن دفة التحكم مش في إيدك
كل اللي تقدر تعمله هو إنك تقدم على وظائف تانية وتستنى رد الشركات
ويا عالم الوظيفة الجديدة هتكون مناسبة ليك ولا لأ
علشان كده مهم جدا إنك تبدأ تفكر بجدية في امتلاك بزنس خاص جنب وظيفتك
حتى لو صغير
لإنه هيكون مصدر أمان و مرونة وتحكم كبير في حياتك
مهارات ريادة الأعمال مهمة جدا
مش بس علشان تكسب فلوس
لكن علشان تبقى جاهز لأي تغير أو أزمة ممكن تحصل
في الزمن ده تعدد المهارات ووجود بدائل مش رفاهية
امتلاك عقلية ريادة الأعمال هو أقوى سلاح لمستقبل آمن ليك و لأسرتك