"من امبارح و أنا في حالة ذهول من فزلكة البشر!"
-
أظن إنك شوفت موضوع ولاد الحاوي ..
الولاد الجميلة اللي طلعوا في شارك تانك علشان يقدموا مشروعهم
لحد دلوقتي شوف ٤ آراء متباينة بشكل عجيب
ناس فرحانة بيهم قوي
وناس حاقدة عليهم (ولاد في بقهم معلقة دهب)
وناس شايفاهم عادي و إن الناس مكبرة الموضوع
وناس بتوع حقوق الطفل وإن دي صورة مُقنّعة لعمالة الأطفال!!
أنا مش بكتب الكلام ده علشان أقول رأيي في الموضوع
أنا بقول الكلام ده علشان أدعوك معايا إنك تقول من قلبك
“سبحان الله”
سبحان خالق البشر اللي قال في حقهم
“وَلا يَزَالُونَ مُخْتَلِفِينَ”
اللي بيحصل ده المفروض يخليك تاخد بالك من حاجة مهمة و تحطها حلقة في ودانك
“إوعى تتأثر بكلام الناس”
مافيش ناس هتجتمع على حاجة أبدا ليوم الدين
لو لحد انهاردة كلام الناس بيغير في قراراتك و مساراتك، فتأكد إن عمرك ما هتوصل لنجاح مميز في الحياة
أخرك هتوصل لمستوى عادي زي كل الناس … أو يمكن أحسن شوية لو اجتهدت أكتر
زي ما ربنا قال بالظبط:
“وَإِن تُطِعْ أَكْثَرَ مَن فِي الْأَرْضِ يُضِلُّوكَ”
طبيعي لإنك إنسان إنك تتأثر عاطفيا بكلام الناس وتحزن شوية
زي ما أنا حزين على السواد اللي موجود في قلوب بعض الناس تجاه أطفال جميلة وعملت حاجة تفرح
لكن إنك تتأثر بكلامهم وتوقف إيمان وسعي علشان تحقق حلمك تبقى غلطان أكبر غلط
لإنك مهما عملت هتلاقي اللي يشتمك ويهاجمك!
حلمك … ثم حلمك … ثم حلمك
لو بتحلم يكون عندك بزنس ناجح في مجال شغفك، شوف الفيديو على الموقع