الضوء متسلط بصورة كبيرة جدا الفترة الأخيرة على قصص الشباب الصغير من رواد الأعمال اللي عملوا مشاريع ناجحة جدا. وده عمل إنطباع عند ناس كتير إن السن الصغير هو أنسب سن لبدء مشروع خاص وإن الواحد كل ما يكبر في السن فرصه بتقل
وفي أمثلة كتير بتتردد علشان تشجع الشباب ... زي إن مارك زكربيرج وستيف جوبز وبل جيتس كانوا في العشرينات من عمرهم لما بدأوا شركاتهم
...المفاجأة الأولى
في إحصائية جديدة إتنشرت في يوليو ٢٠١٨ علي موقع
Harvard Business Review
أثبتت إن متوسط عمر أصحاب المشاريع الناشئة الناجحة هو ٤٥ سنة
وده بناءا على معدل نمو الشركات الناشئة في أول خمس سنين ليها
طبعا الشباب الصغير اللي بينجح بيخطف أنظار الإعلام أكتر لإن قصته بتكون استثنائية. بس ده مش معناه أبدا إن السن الصغير هو السن الطبيعي… بالعكس ده هو الإستثناء
بناءا على الإحصائية، أنجح شريحتين عمريتين لبدأ مشروع خاص هما ٤٠-٤٩، تليها علطول بفرق بسيط شريحة العمر من ٣٠-٣٩
السر في ده بيرجع لمستوى خبرة الشخص لما ييجي يبدأ مشروعه. لما تكون عندك خبرة عملية من ٥-١٠ سنين بيكون فرص نجاحك أكبر بكتير من الشاب الصغير اللي معندوش خبرة كافية
...المفاجأة الثانية
إن الأمثلة اللي بيتم الاسترشاد بيها زي ستيف جوبز مثلا وإزاي بدأ في العشرينات … الحقيقة بقى إن أبل موصلتش لقمة مجدها إلا وستيف جوبز عنده ٥٢ سنة. ده السن اللي أطلق في الأي فون
الوقت اللي شركة أمازون وصلت فيه لأعلى مستوى نمو كان عمر مؤسسها جيف بيزوس ٤٥ سنة
...خلاصة الكلام
واحد... في إحصائيات وانطباعات كتير قديمة أو مغلوطة بتتردد في عالم ريادة الأعمال متخليهاش تأثر على قرارك وتشككك في نفسك
اتنين ... كل واحد فاكر إن خلاص القطر فاته علشان عدى الـ ٣٠ سنة وحاسس إن إتكتب عليه يكمل بقيت عمرها في وظيفة مابيحبهاش
أبشر …
العصر الذهبي لبدء مشروعك الخاص هو بعد الـ ٣٠ … وكل ما سنك كبر أكتر كل ما فرص نجاحك بقت أكبر
إحنا في
Passion To Profit
٨٠٪ من قصص النجاح المبهرة كانت لناس بقالهم ما يقرب من ١٠ سنين بيشتغلوا وسنهم ما بين ٣٥-٤٠ سنة
أهم حاجة بلاش تستسلم للأمر الواقع وتكمل حياتك في شغل مش لاقي فيه نفسك. لإن دلوقتي بقى فيه فرصة حقيقية إنك تعيش حياتك باسلوبك مش باسلوب مفروض عليك
خلي_شغفك_شغلك#
اضغط هنا لو عاوز تعرف أكتر عن
Passion To Profit Online Course
